Chang'e 4
Chang'e 4 esas kosmosondilo di la Popul-Republiko Chinia. Ol esas la unesma sondilo qua dolce arivis sur la fora latero di la luno.
Ol esas parto de la Chang'e-serio di misioni a la luno, nomizita pro la Chiniana deino di la luno Chang'e. Skopi di la misiono esas: mezurar la kemiala kompozaji di petri e suli; mezurar la temperaturo ye la surfaco; studiar kosmala radii; observar la sunala halono; e facar astronomiala observadi per radio-teleskopo.
Ol lansesis ye 7ma di decembro 2018, ed atingis orbito cirkum la luno ye 12ma di decembro; ol tervenis ye 3ma di januaro 2019, sur la kratero Von Kármán.
Por ke transmisaji de la fora latero di la luno esus recevita de Tero, satelito por ri-transmisar signali ja esis en orbito cirkum Tero, proxim Lagrange-punto L2 dop la luno, ibe pozita ye 14ma di junio 2018.
Chang'e 4 portis veturo Yutu-2; dum la unesma lunala dio pos arivo ol kovris 120 m. Til decembro 2021 ol kovris 840 m.