Chiapas

Chiapas Stato di Mexikia Ravinego Sumidero. Chefurbo Tuxtla Gutiérrez Maxim granda urbo Tuxtla Gutiérrez Oficala linguo o lingui: Nula. Parolesas la Hispana, tseltal, tsotsil, ch'ol, mam, tojolabal, akateko, popti', q'anjob'al e lacandón Surfaco 73 211 km² Habitanti Denseso di habitantaro 5 543 828 (2020) 75.72 hab./km² Guvernisto Eduardo Ramírez Aguila Horala zono UTCUTC-6 (UTC-5 dum somero) TNP (yaro) USD 39 073 milioni (2019) Reto www.chiapas.gob.mx

Chiapas esas stato di Mexikia. Segun la demografiala kontado di 2020, ol havis 5 543 828 habitanti. Lua tota surfaco esas 73 211 km².

Historio

Templo en Palenque.

L'unesma populi arivis a la regiono cirkume 10 mil aK. Li habitis regiono konocata kom Selva del Ocote, ube existas kelk arkeologiala restaji en la kaverni Los Glifos e Santa Marta, en la depreso Sima de las Cotorras, ed en la kaverno El Lazo. Che valo Teopisca ed en Aguacatenango, studii montras ke la regiono habitesas de adminime 7 mil yari aK. Inter 2500 aK e 200, Izapana developis su en Soconusco. Le Maya instalis su en Yaxchilán, Bonampak, Chinkultik, Tenam Puente, Toniná, e Palenque, e prosperis inter 600 e 1200. Li developis agrokultivo, e singla ek lia urbi funcionis kom separita stato. La chefo di singla urbo esis anke lua sacerdoto e generalo. Le Maya praktikis homosakrifici por demandar bona rakolti e prospereso a la dei. La chefeso esis heredita.