Charles Darwin

Charles Robert Darwin
Profesiono:	naturalisto
Lando:	Unionita Rejio
Naskodato:	12 di februaro 1809
Nasko-loko:	Shrewsbury, Shropshire, Anglia
Mortodato:	19 di aprilo 1882, 1881
Morto-loko:	Kent, Anglia

Charles Robert Darwin (1809 til 1882) esis naturalisto qua esas famoza pro lua elaboro dil Teorio pri evoluciono tra naturala selektado.

Il developis lua intereso pri naturala historio dum studiado unesme di medicino, pose teologio ye universitato. Lua kinyara voyajo en navo Beagle adportis il glorio kom geologisto e famo kom populara autoro.

La voyajo cirkum la mondo en Beagle (qua komencis en decembro 1831 e finis en oktobro 1836) facesis precipue por hidrografiala explorado di Sud-Amerika; Darwin asistis kom geologiisto. Ye 15 di septembro 1835 li arivis ye la Galapagi, e Darwin studiis l'animali, inkuzante tortugi di la speco Chelonoidis nigra ed uceli di la speco Mimus thenca. Ye 20 di oktobro 1835 la navo departis de Galapagi. Dum ke la navo segliris vers Tahiti pos la departo, Darwin, skribante pri la deskovri, notis ke Mimus thenca kelke diferis en singla insulo di Galapagi; to, kun simila konkluzi pri la tortugi di l'insuli, esis importanta por lua plu tarda teorio di evolucionado di vivanta enti.

Lua biologiala observado kurajigis il studiar speci-transmuto, ed ilu developis lua teorio di naturala selekto ye 1838. Il studiis anke pri hormoni.

Plene koncianta di probabla reakto, il konfidis nur proxim amiki e duris lua sercho por juntar anticipita objecioni, ma ye 1858 l'informo, ke Alfred Russel Wallace nun havas simila teorio, efektigis edito.