Den Haag

De Wikipedio
Salti al navigilo Irez a serchilo
Den Haag
A square in the center of the Hague.jpg
Anciena e moderna edifici en Den Haag
Flag of The Hague.svg ArmsThe Hague.png
Standardo Blazono
Lando: Flag of the Netherlands.svg Nederlando
Regiono: Sudal Holando
Informo:
Latitudo: 52ª05'N
Longitudo: 04°19'E
Surfaco: 98,2 km²
Habitanti: 534 158 (2018)
Denseso di habitantaro: 6524 hab./km²
Horala zono: UTC+1
Urbestro: Pauline Krikke (WD)
Mapo:
Mapo di Den Haag
Oficala retosituo:
http://www.denhaag.nl
Ridderzaal, edifico en Den Haag.

Den Haag o formale 's-Gravenhage esas la triesma maxim granda urbo di Nederlando, pos Amsterdam e Rotterdam. Segun statistiki dil yaro 2018 ol havis 534 158 habitanti. Lua tota surfaco esas 98,2 km². Ol esas la sideyo dil guverno de Nederlando e la resid-urbo di la Nederlandana reji, ma ne konsideresas lua chef-urbo. La parlamento di Nederlando ed omna Nederlandana ministerii anke situesas en ica urbo. Den Haag esas la chefurbo dil provinco Sudal Holando.

La duchambra parlamento di Nederlando, la Staten-Generaal o Stati-Generala, kunvenas en la palaco Binnenhof, qua konstruktesis kom resideyi dil komti di Holando e uzesis pose kom sideyo da la reprezentisto dil suzereni Burgundiana. La Stati-Generala derivas del Stati-Generala di Burgundia, separinte su del Hispana imperio per l'Uniono di Utrecht en 1579 e Den Haag devenis la permananta sideyo dil Stati-Generala en 1593.

Palaco di la Paco, sideyo dil Internaciona Judiciala Korto del Unionita Nacioni.

L'Internaciona Judiciala Korto e l'Internaciona Kriminala Korto anke trovesas en Den Haag, e til sua elimino en decembro 2017 l'Internaciona Kriminala Tribunalo por l'antea Yugoslavia anke sidis ibe.

La du precipua dialekti di Den Haag esas notora en Nederlando ed ofte parodiesas.

Den Haag havas granda Surinamana, Turka, Indonesiana e Marokana komunitati. Ol nomesis la "vidvino di (Nederlandan Est) India" pro la Indonesiana habitantaro.

La futbaloklubo di Den Haag esas ADO Den Haag.

's-Gravenhage havas depos 2012 la moto "Vrede en recht" (Paco e yuro).

La blazono di 's-Gravenhage portas cikonio qua manjas anguilo.

Historio[redaktar | redaktar fonto]

La palaco Binnenhof en 1625.

L'origino di Den Haag esas poke konocata, pro ne existar fidebla dokumenti del epoko pri to. Esas savata ke ol fondesas da la lasta komtii de la dinastio Holando. Floris la 4ma havis du domi ibe, e posible kompris altra en 1229 an la nuna quartero Hofvijver. Posible ilu deziris konstruktar granda kastelo, ma ilu mortis en 1234, ante ke ulo konstruktesis. Lua filiulo Willem la 2ma di Holando habitis Den Haag ed elektesis Rejo dil Romani en 1248. Ilu decidis transformar la korto en "rejala palaco", qua originis la nuna Binnenhof. Tamen, ilu mortis ante ke la palaco kompleteskis.

La vilajo qua kreskis proxim Binnenhof mencionesis unesmafoye quale Die Haghe en 1242. Ol divenis la korto dil suvereni di Holando en 1358.

Den Haag recevis urbo-yuri nur en 1806 de Louis (Lodewijk) Napoleon, frato di Napoleon Bonaparte. Antee Den Haag fakte esis vilajo ma kun multa specala privileji.

Avenuo Nieuw Oost-Indië, en Den Haag.