Diana Serra Cary
| Diana Serra Cary | ||
 | ||
| Profesiono: | film-aktoro | |
| Lando: |  Usa | |
| Naskodato: | 29 di oktobro 1918 | |
| Nasko-loko: | San Diego, Kalifornia | |
| Mortodato: | 24 di februaro 2020 | |
| Morto-loko: | Gustine, Kalifornia | |
| Retoloko: | https://babypeggy.com/ | |
Diana Serra Cary, naskinta Peggy-Jean Montgomery ye la 29ma di oktobro 1918 e mortinta ye la 24ma di februaro 2020, olim konocata kom Baby Peggy, esis Usana antea infanta chefa film-aktoro, vodevil-aktoro ed adolecanta figuranto, pose skriptisto e historiisto pri cinematografo. El debutis sur la skreno kun film-hundo Brownie the Wonder Dog. Diversa cinamatografuri quan el partoprenis perdesis, ma kelk ek li rideskovresis pose.
En 1924 la salario di Cary esis 1,5 milion dolari, tamen el perdis omno pro prodigado da elua genitori, e pro korupta jeranti. Lor ne existis legi protektante la interesi di pueri en cinematografo. Dum multa dii, el laboris 8 hori kom infanto-aktoro, ed apene recevis eduko dum sua frua yari. Elua kariero esis tre grande direktata da lua patro. Pro ke elua patro havis konflikto kun jeranto influoza di cinematografo-firmo, el ne partoprenis cinematografuri pos 1926, e laboris en vodevilo depos 1925. El esis itere filmaktoro dum la yari 1930ma, tamen kom figuranto, diveninte povra pos la granda depreso ekonomiala di 1929. El pose skribis pri la minaco di molestado sexuala por aktorini e la prekara situeso di marjinal aktori dum ica periodo.
El retretis ek la film-industrio en 1938, mariajante aktoro Gordon Ayres e nomizante su pose "Diana Ayres". Li divorcis en 1948. Pose Cary divenis Romana katoliko ed asumis la meza konfirmo-nomo "Serra". El mariajis Robert Cary, anke nomizata "Bob", en 1954. De la yari 1980ma yari el skribis e publikigis plura libri pri la historio di cinematografo. El itere ofte aparabis en la novaji depos 2010.