Dickens-Festivalo

De Wikipedio
Karaktero ek la romani da Dickens

Dickens-Festivalo (Nederlandane: Dickens Festijn).

Singla-decembre la 19ma yarcenta angla urbo di Charles Dickens rivivas ye plena glorio en la historiala quartero Bergkwartier di Deventer, Nederlando. Singlayare dum decembro rivivas plu kam 950 karakteri ek la famoza libri dal angla autoro: de Scrooge ad Oliver Twist, de Sr. Pickwick a Kristnasko-kanteri, de orfani a komizi e respektindi.

La Dickens-Festivalo eventis 26ma-foye en 2016, e yarale vizitesas da plu kam 135.000 homi. La festivalo eventas che la Walstraat, Golstraat, Damstraat, Bergkerkplein, Roggestraat, Bergstraat, Kerksteeg, Bergschild e Menstraat. La odoro di puncho, dom-alta Kristnasko-arbori e bela restaurita edifici provizas la fundo. La Dickens-Festivalo duras du dii e finas ambadie per kunkanto che la kirko Bergkerk.