Dmitri Dmitriyevich Shostakovich
| Dmitri Dmitriyevich Shostakovich | ||
| ||
| Profesiono: | muzikisto e kompozisto | |
| Lando: |  Sovietia
| |
| Naskodato: | 12 di septembro 1906 | |
| Nasko-loko: | Sankt-Peterburg, Rusiana Imperio | |
| Mortodato: | 9 di agosto 1975 | |
| Morto-loko: | Moskva, Sovietia | |
| Retoloko: | http://www.shostakovich.ru/ | |
Dmitri Dmitriyevich Shostakovich (n. ye la 25ma di septembro 1906 til la 9ma di agosto 1975) esis Sovietiana kompozisto e muzikisto.
Simfonio no. 5
[redaktar | redaktar fonto]Ye la 21ma di novembro 1937 en Leningrad, ilua Simfonio no. 5 esis unesmafoye pleata, kun granda suceso. En la periodo ante ca simfonio, ilua kompozuri esis des-estimata da la stato pro olia komplexeso: il konkluzis ke, por evitar severa konsequantaji, il mustas kompozar en stilo di "socialista realismo". La Simfonio no. 5 esas egardata kom muziko qua semblante esas konforma ad oficala expekti, tamen ne kompromisas ilua reputeso kom sincera kompozisto.
Simfonio no. 7
[redaktar | redaktar fonto]Ye la 5ma di marto 1942 en Rusa urbo Kuybyshev (nuntempa Samara) ilua simfonio no. 7 esis unesmafoye pleata. La unesma tri de la quar movimenti di la verko kompozesis en Leningrad, ed ol esis kompletigata en Kuibishev, adube Shostakovich e sua familio retretis en oktobro 1941. Ol esas la maxim longa de ilua simfonii, durante cirkume 75 minuti. Ol esis dedikata a la urbo Leningrad; la verko relatas la rezisto di ta urbo kontre Nazista Germania ye ta periodo. Ol balde divenis populara en ed exter Sovietia.