Enceladus

De Wikipedio
Enceladus, fotografita da Cassini en 2005: vidajo di larjeso cirkume 300 km.

Enceladus esas satelito di la planeto Saturno.

Ol deskovresis en 1789 da William Herschel. Ne-multo pri la satelito esis savata til la 1980-yardeko, kande Voyager 1 e Voyager 2 preterpasis ol. Plusa explorado facesis da Cassisi en 2005.

Olua diametro esas cirkume 500 km. Kun Dione, Tethys e Mimas, ol esas un de la notinda interna sateliti di Saturno. Ol sempre havas la sama latero vers la planeto. Enceladus esas en orbitala resono kun Dione, facante du orbiti cirkum Saturn dum ke Dione facas un orbito; to produktas forsata ecentrikeso di la orbito, kreanta varmigo di la satelito.

La rezultanta geologiala aktiveso esas observebla ye la surfaco. Plu kam cent "geyser"-i esas deskovrita, qui sendas aquo-vaporo ed altra materii aden spaco; kelka de la aquo retro-falas. La surfaco esas grandaparte kovrita per glacio, e la satelito tale esas un de la maxim reflektiva objekti en la sunala sistemo.