Voyager 2

De Wikipedio
Un di le kosmo-plani Voyager (Voyager 1 e Voyager 2 esas identika), fotografiita da NASA.

Voyager 2 esas inter-planetala automatika kosmoprobilo lansita ye 20 di agosto 1977 por explorar la plu distanta planeti de sunala sistemo: Jupitero, Saturno, Neptuno ed Urano. Ol vizitis ed exploris le planeti e kelka di lua luni. La Voyager-projeto di Usa konsistis ek ca sondilo e Voyager 1.

Preter-paso di Jupitero[redaktar | redaktar fonto]

Ye 9 di julio 1979, Voyager 2 atingis maxim proximeso, 570.000 km, a la planeto Jupitero. La sondilo fotografis la tempesto di la Granda Reda Makulo, e altra tempesti en la nubi; ol deskovris volkanala aktivesi sur la satelito Io, ed interesiva lineala traiti sur la satelito Europa.

Preter-paso di Urano[redaktar | redaktar fonto]

Ye 24 di januaro 1986, la kosmosondilo, ja facinta pasi di Jupitero e Saturno, atingis minima disto de la planeto Urano; ol esis 81.500 km super la nubi di la planeto. Dum la paso, ol deskovris plura sateliti di la planeto, e studiis la satelito Miranda, qua havas notende aspera surfaco. Ol trovis ke la radiado-zono di la planeto havas intenseso quante ta di Saturno, ed ol deskovris ke Urano havas magnetala feldo, di qua la kaudo esas deformata pro la granda axala inklineso di la planeto.

Preter-paso di Neptuno[redaktar | redaktar fonto]

Ye 24 di agosto 1989, Voyager 2 facis finala paso di planeto, ante ke ol livis la sunala sistemo. Ca vehilo pasis e studiis Jupitero en 1979, Saturno en 1981 ed Urano en 1986. Ye ca dio en 1989, pasante proxim Neptuno, ol flugis cirkume 4950 km super la nubi di la planeto. La instrumenti di la sondilo ankore funcionis dum la renkontro kun Neptuno: observante la atmosfero, ol notis venti di 1100 km/horo; la atmosfero kontenis metano, qua donas la blua aspekto a la planeto, e hidrogeno. Ol studiis Triton, la maxim granda satelito di Neptuno, fotografante 40% di la surfaco.

En november 1998 kelka instrumenti esis extingata por konservar povo; altra instrumenti ankore funcionas, ed plusa informeso de li esas expektata til adminime 2025.