Io (satelito)

De Wikipedio
Io, fotografita da la kosmosondilo Galileo

Io esas satelito di la planeto Jupitero. Ol deskovesis da Galileo Galilei en 1610, un de la quar sateliti di Jupitero deskovrita da lu, la maxim proxima a la planeto. Havante diametro 3630 km, ol esas la quaresme maxim granda satelito en la sunala sistemo.

Io esis explorata da Pioneer 10 en 1973 e Pioneer 11 en 1974, plu detaligite da Voyager 1 e Voyager 2 en 1979, e plusafoye da Galileo en 1995, Cassini-Huygens en 2000 e New Horizons en 2007.

Ol havas plu kam 400 aktiva volkani. Ca granda aktiveso, plu kam irga satelito o planeto en la sunala sistemo, esas la rezultajo di tiradi inter Jupitero e la altra Galileana sateliti (Europa, Ganimede e Kalisto), quo produktas varmigo en Io. Multa lavao-fluadi makulizas la surfaco; volkani sendas plumi de sulfo plura cent kilometri super la surfaco.