Galileo (kosmonavo)

De Wikipedio
Irez ad: pilotado, serchez
La sondilo di Galileo, qua decensis vers Jupitero

Galileo esis kosmosondilo qua studiis la planeto Jupitero.

Ol departis de Tero ye 18 di oktobro 1989, desligite de Spaco-paromo Atlantis. Por atingar la orbito di Jupitero, ol pasis Venuso e dufoye pasis Tero, utiligante olia graviteso por ganar momento. Ol exploris Venuso dum la paso.

Ye 29 di oktobro 1991, du monati pos ke ol eniris la asteroido-zono, Galileo atingis maxim proximeso, cirkume 1600 km, a la asteroido 951 Gaspra. Lo esis la unesma renkontro kun asteroido di irga kosmosondilo. 951 Gaspra havis dimensioni cirkume 19 per 12 per 11 km, e havis multa krateri. Ye 28 di agosto 1993, Galileo renkontris plusa asteroido, 243 Ida.

Ye 13 di julio 1995, Galileo, atinginte disto 80 milion km de la planeto Jupitero, desligis sondilo por explorar la planeto. La sondilo decensis vers Jupitero e transmisis informeso a Galileo dum 57 minuti, ante ke kontakto esis perdata. Ca informeso indikis la existo di intensa radiiva zono, 50 000 km super la nubi di la planeto, e forta venti, di cirkume 640 m/sec. Dum sequanta yari, Galileo exploris la sateliti di Jupitero, plurafoye pasante Europa, Callisto ed Io.