Epikurismo

Romana skulto pri Epikuro.

Epikurismo esas filozofiala skolo fondita en Athina en 307 a.K.. Lua bazo esis docadi da Epikuro, filozofo de Antiqua Grekia. Segun Epikuro, la materio esis la fundamental esenco di la naturo, do omna kozi, inkluzite la mento e la koncio, originas de material interagi e dependas de fizikala procesi, inkluzite ti qui eventas interne homala cerebro e nervaro. Ta konceptajo nomizesas materialismo. Epikuro anke kredis ke l'universo konsistis ek fundamentala nedividebla kompozanti, nomizita atomi.

Epikurismo esas formo di hedonismo, e deklaras ke plezuro esas sua precipua skopo. Tamen, sua konceptajo ke la manko di doloro e timo esas la maxima plezuro, e sua advoko pri simpla vivo, establisas la difero inter ol e l'ordinara kompreno pri hedonismo.

Komence, epikurismo defiis platonismo, pose lua precipua opozanto esis filozofiala skolo konocata kom stoikismo, fondita ye 301 a.K. Epikurismo florifis dum la fino di Helenala epoko e dum l'epoko Romana, e multa komunitati Epikurista establisesis en Antiokia, Alexandria, insulo Rodos e Herculaneum.