Ex tunc

De Wikipedio
Salti al navigilo Irez a serchilo

Ex tunc esas Latina expresuro signifikanta «de lore», o «de la komenco».[1][2] Ol uzesas en yuro-cienco por indikar ke l'efekti di ula kontrato, lego o decido judiciala efikeskas anke koncerne agi produktata ante lua kreeso. Ca expresuro esas opozata ad ex nunc.

Kande judiciala povo nuligas ago, kontrato o mem (kaze di la konstitucala korti en kelka landi) ula lego e deklaras ke l'efekti di la nuligo esas ex tunc, to equivalas dicar ke l'ago, la kontrato o la lego esas komplete nevalida de sua origino e produktis nula efekti de lore.[3] Altralatere, kande aprobesas nova lego qua amnestias o deskriminaligas ula ago, l'efekti dil amnestio o deskriminaligo ordinare afektas ex tunc omni qui deklaresis kulpinti segun l'antea lego revokita.

Referi[redaktar | redaktar fonto]

  1. Paulo Cesar Fulgencio. Glossario - Vade Mecum. Mauad Editora Ltda; ISBN 978-85-7478-218-8. p. 274.
  2. A. Oliveira Lima. Manual de Redaçao Oficial. CAMPUS; ISBN 978-85-352-1855-8. p. 226.
  3. O que são Ex Tunc e Ex Nunc (Portugalana). Dicionário Direito. URL vidita ye la 31ma di marto 2019.