Face book

De Wikipedio
Irez a navigado Irez a serchilo

face book o facebook esas komuna od interretala adresaro qua existis che ula usana universitati, e qua konsistas ek la fotografuri e nomi di personi.

Specale, ol signifikas edituri tasorta distributita da universitati ye la komenco dil edukala yaro, kun la skopo helpar studenti interkonoceskar.

Kolegii ed universitati en Usa ofte editis oficala o neoficala libri qui listizis sua studenti, profesori, o stabo, kun imaji e limitizita biografiala datumi.  Dum la frua 2000a yari, ula "face book"-i editesis en la interreto qui ofris plura nova kapablesi, inkluze pasvorto-protekto, plu detaloza informo, plu avancinta indexizo e sercho, e kapableso por adkargar informo e fotografuri.

En frua 2004, Mark Zuckerberg, studento che Harvard-Universitato, kreis neoficala enreta face book che retsituo "thefacebook.com", la preirinto di Facebook, pro decepteso ke l'oficala "face book"-projeto dil universitato esis tro lenta.

La developeso di tot-universitata face book antee tardigesis pro privateso-sucii, qui saliis en novembro 2003 kande Zuckerberg akuzesis pri violacar sekureso, kopi-yuri ed individuala privateso.  Zuckerberg kreabis retsituo, www.facemash.com, qua uzis fotografuri prenita sen permiso de la "face book"-i di Harvard House, ed uzis la fotografuri en sistemo por rangizar l'atraktiveso di studenti.