Film-festo di Cannes

De Wikipedio
Irez a navigado Irez a serchilo

La Film-festo di Cannes (pron. Film-festo di Kan, France: Festival de Cannes) esas prestijoz internaciona film-festo. Ol organizesas singla yaro depos la yaro 1946 en la Franca urbo Cannes, en la Palaco di Festi e di Kongresi sur la Croisette. En 1948 e 1950 ne esis film-festo, en 1968 ol anulesis pro la Mayo-revolto en Paris. Yarale ol eventas en la triesma semano di mayo.

Pro ke la film-festo havas mult atenco en la komunikilaro, multa film-aktori vizitas ol ed esas l'okaziono por film-produktisti por prizentar lia nova filmi e vendar oli a distributisti.

La maxim prestijoza premio en Cannes esas l'Ora Palmo por la maxim bona filmo; kelkafoye ol donesas a plura filmi en la sama yaro.

La film-aktori esas transportat en luxoz automobili til la famoza reda tapiso, pos qua li acensas l'eskaleri, por seque esar celata por la granda publiko. Por la filmo La Vakanco di Sro. Bean on filmifis che la film-festo di Cannes.