George Gershwin
| George Gershwin | ||
| ||
| Profesiono: | kompozisto | |
| Lando: |  Usa
| |
| Naskodato: | 26 di septembro 1898 | |
| Nasko-loko: | New York, Nova-York | |
| Mortodato: | 11 di julio 1937 | |
| Morto-loko: | Hollywood, Kalifornia | |
| Retoloko: | http://gershwin.com | |
George Gershwin (1898 til 1937) esis Usana kompozisto di jazo. Il esis la yuna fratulo dil kompozisto Ira Gershwin.
Ilua koncerto-peco por piano ed orkestro, Rhapsody in Blue, aparis en 1924.
An American in Paris[redaktar | redaktar fonto]
Ilua orkestrala verko An American in Paris esis unesmafoye pleata ye la 13ma di decembro 1928 en New York. Plu frue en 1928 il voyajis ad Europa e renkontris plura kompozisti ed artisti. Dum ke il rezidis en Paris il kompozis ca verko. Il skribis, "Mea skopo hike esas deskriptar la impresuri di Usana vizitanto en Paris dum ke il flanas cirkum la urbo, askoltas la diversa strado-bruisi, ed absorbas la Franca atmosfero."
Morto[redaktar | redaktar fonto]
Pos la unesma pleadi di ilua opero Porgy e Bess en New York en 1935, il rezidis en Hollywood por kompozar muziko por filmo. Frue en 1937 il sufris pro severa kapo-dolori, humoro-ocili e mala koordinado. Ca trubli divenis plu mala, e fine il mustis subisar kirurgiala operaco, qua ne esis sucesoza.