Hagia Sofia (Konstantinoplo)

De Wikipedio
Irez ad: pilotado, serchez
Hagia Sophia2 (February 2011).jpg

Hagia Sofia ("Santa Sajeso") esis granda kirko en Konstantinoplo. Ol transformesis a moskeo, kande Otoman-Turkiani konquestis l’urbo. Nun ol funcionas kom muzeo. L’antea kirko konsideresas kom un de la ecelanta exemplero di la Bizantala arkitekturo.

Ye 23 di februaro 532 en Konstantinoplo la imperiestro Justinianus 1ma decidis rikonstruktar la Hagia Sofia, la precipua kirko di la imperio, origine konsakrita en 360. Ol esis destruktita, kun granda parti di la urbo, en januaro di ca yaro en incendii dum grava tumulto. La nova kirko esis plu granda kam la antea kirko. Justinianus ipsa selektis la arkitekti. Materio di alta qualeso por la edifico venis de diversa parti di la imperio. Ye ta tempo, la nova kirko, kun injenioze desegnita kupolo, esis egardata kom importanta arkitekturala verko. Justinianus inauguris la nova basiliko en 537, ma la mosaiki en la kirko ne esis kompleta dum ilua vivo.

Ye 7 di mayo 558, dum tertremo en Konstantinoplo, la kupolo di Hagia Sofia krulis. La kirko ja esis kelke domajita pro tertremi en 553 e 557. La imperiestro, Justinianus 1ma, imperis rikonstruktado; la arkitekto Isidorus ridesegnis la kupolo ed utiligis plu lejera materii. La rikonstruktado esis kompleta en 562, e la kirko esis ridedikata ye 23 di decembro di ta yaro.

La edifico ankore stacas: ol divenis moskeo de 1453, ed en 1931 ol divenis muzeo.