Harry Mulisch
| Harry Kurt Victor Mulisch | ||
.jpg)
| ||
| Profesiono: | skriptisto | |
| Lando: |  Nederlando
| |
| Naskodato: | 29 di julio 1927 | |
| Nasko-loko: | Haarlem, Nederlando | |
| Mortodato: | 30 di oktobro 2010 | |
| Morto-loko: | Amsterdam, Nederlando | |
| Retoloko: | http://www.mulisch.nl | |
Harry Kurt Victor Mulisch (n. ye la 29ma di julio 1927 til la 30ma di oktobro 2010) esis Nederlandana skriptisto. Ilua libri tradukesis a plu kam 30 idiomi.
Mulisch esis la filiulo di Austrian-Hungariana patro e Germana-juda matro ed edukesis en Haarlem (Nederlando). Dum la 2ma Mondomilito ilua patro kolaboris kun la naziisti e tale sucesis salvar sua spozino. La ge-avi di matrala latero di Mulisch ocidesis dum la milito en destrukteyo. La 2ma Mondomilito esas konstante riturnanta temo en la verki di Mulisch.
Dum la yari quaradek di la pasinta yarcento Mulisch intereseskis pri okultismo, spiritismo e teatro. Lo mital-magiala prenis plu granda influo en ilua rakonti. Ilua verkaro qualifikesas 'abstrakta realismo'.
Politikale Mulisch esis sinistrano, adheranto di Fidel Castro e Kuba, il influesis da marxismo e movementi por paco.
Mulisch atingis sucesi per sua libri. Per la paso di tempo ilua stilo divenis plu klare. Ilua libri vendis en granda nombri, il atingis suceso exterlande. L'atento esis un del unesma internaciona sucesi. En 2007 ilua magna verko La deskovro di cielo elektesis kom maxim bona Nederlandana libro.
La domo di Harry Mulisch en Amsterdam esas muzeo (limitizita hori di aperteso).