Hispaniana konstituco di 1812

De Wikipedio
Irez ad: pilotado, serchez
Commons-emblem-trademark-issue.svg
Ica artiklo bezonas revizo gramatikala. – Ka vu povas helpar ni revizar ica artiklo?
Edituro di la konstituco di 1812.

Hispaniana konstituco di 1812 promulgesis ye la 19ma di marto 1812 da la Korti di Cádiz, la nacionala legifala tribunalo (Cortes Generales) di Hispania. Ica konstituco esis l'unesma di Hispania, donita, nam l'edituro en 1808 sub Joseph Bonaparte nulatempe adoptesis. La Konstituco di 1812 establis la guidili di universala votoyuro, nacionala suvereneso, konstitucala monarkio, gazetara libereso, ed apogis agrala reformo e liberala entreprenado.

La konstituco, inter la maxim liberala de lua epoko, abolisesis da Fernando la 7ma kande ilu retroiris a Hispania ye la 24ma di marto 1814, ma esis restarigita dum Liberala yartrio di 1820-1823, ed itere nelonge en 1836 e 1837 kande la progresemuli? preparis la konstituco di 1837. De 1812 til 1814, la konstituco nulatempe esis vere plene uzita. Konsiderinda parto di Hispania esis guvernata da franciani, dum la resto esis en la mani di provizora registari koncentrita pri la rezisto a Bonaparte prefere kam l'establiso de konstitucala rejimo, e la transoceana havaji travivis la kaoso di povovakuo.

La hispaniani surnomizis la konstituco La Pepa pro ol adoptesis en la dio di Santa Iosefus.