Jan Cremer
Jan Cremer (pron.: yan-kremer; n. Enschede, la 20ma di aprilo 1940 – m. la 19ma di junio 2024) esis Nederlandana skriptisto e piktisto. Ilua famo komencis pos la publikigo di sua romano "Ik, Jan Cremer" (Me, Jan Cremer) en 1964, qua quik esis enorma vendo-suceso, anke internacione (Usa e Germania). Ilua verko esas notora pro olua grosiera, humoroza linguo, il esis remarkema pri absurdaji dil Usana mondo di famozi. Ilua duesma libro "Ik, Jan Cremer, tweede boek" (Me, Jan Cremer, duesma libro) en 1966 kreis skandalo pro olua explicite sexuala ceni.