Jonestown

De Wikipedio
Salti al navigilo Irez a serchilo
Enireyo a Jonestown

Jonestown (Angle; pronuncez: Djounstaun) esis la nomo neformal dil Projetajo Agrokultival dal Templo dil Populo, komono establisita dum la yari 1970ma en solitara loko meze di junglo en Guayana dal Templo dil Populo, sekto guidata dal usana predikisto Jim Jones. Ol notoreskis totmonde pro ke ye la 18ma di novembro 1978 ibe ocidesis 909 personi, sur proxima aerodrometo 5 ed en domo dil sekto en Georgetown 4; sume do 918 homi, 304 de li infanti, pueri od evanta ne plu kam 17. Mortis anke deputito al Usana Kongreso Leo Ryan, qua vizitinte kun jurnalisti e kameristi adpafesis, kande li e 15 ne-kontenti de la komono esis livonta per aviono. La sektani restinta en Jonestown pose sub l'impero di Jones mustis drinkar suko venenizita. Qua ne konsentis riskis ocidesar per forsoza injekto o per pafi da la gardisti. L'infanti drinkigesis e mortis unesme. Existas magnetofonajo di 44 minuti de la lasta ceni, en qua audesas Jones, laudi, aplaudi, diskuti e plori. Jones ipsa mortis per pafo aden la kapo. Pro ne-suficanta inquesti o dokumenti e pro autopsii tro tarda certena detali di l'evento restas ne-klara.