José Vélez
| José Vélez | ||
| ||
| Profesiono: | kantisto e kompozisto | |
| Lando: |  Hispania
| |
| Naskodato: | 19 di novembro 1951 | |
| Nasko-loko: | Telde, Gran Canaria, Kanarii | |
José Velázquez Jiménez, di qua l'artistala nomo esas José Vélez, n. ye la 19ma di novembro 1951 en Telde, Gran Canaria, Kanarii, esas Hispana kantisto e kompozisto. Dum sua kariero lu obtenis 19 platina diski e 32 ora.
Finante la yari 1960a, muzik-instruisto di yunal organizuro formacis muzik-grupo kun sua lernanti, inter li, José Vélez. Ca grupo nomesis “Maravilla” ma pos kurta tempo la grupo cesis agar e José komencis sua kariero kom kantisto.
Lu partoprenis en la kansono-konkurso "Festival de la canción de la Isla de Palma", ube ilu sucesis. Evante 17 yari, lu partoprenis en la kansono-konkurso "Festival Salto a la fama de Madrid", ube itere sucesis. En 1976, lu publikigis sua unesma disko, "Vino Griego". En 1977, lu partoprenis en la kansono-konkurso de Sopot, Polonia vinkante per la kansono "Romántica". En 1978, ilu reprezentis Hispania en la kansono-konkurso Euroviziono, kun la kansono "Bailemos un vals”.
Lu ofte koncertas tra Amerika, ube lu sufris infarkto.
En 2005, lu celebris sua 30-yara kariero kom kantisto per koncerti tra Hispania, Latin-Amerika ed Usa.
Strado en Telde recevis lua nomo.