Kanarii

Kanarii Canarias (Hispana) Autonoma komunitato di Hispania El Teide, dormanta volkano qua esas la maxim alta monto di Hispania. Chefurbo Las Palmas de Gran Canaria e Santa Cruz de Tenerife Maxim granda urbo Las Palmas de Gran Canaria Surfaco 7 447 km² Habitanti Denseso di habitantaro 2 258 726 (2025) 303.7 hab./km² Regionala prezidanto Fernando Clavijo Batlle (CC) Fondita o kreita 24ma di oktobro 2018 (statuto di autonomeso) Horala zono UTC+0 (UTC+1 dum somero) TNP (yaro) € 58 531 milioni (2024) Reto www.gobcan.es

Kanarii esas arkipelago jacanta nord-weste de Afrika che Atlantiko, ed anke autonoma regiono de Hispania. La regiono konsistas ek 8 insuli, 5 insuleti, 8 roki, e la maro inter li. Lua loko maxim proxima dil kontinento, che insulo Fuerteventura, distas 97 km de El Ayune, che Ocidentala Sahara. En 2025, Kanarii havis 2 258 726 habitanti. Lua tota surfaco esas 7 447 km².

Historio

Vazi facita da aborijeni Kanariana.

Kanarii posible vizitesis da Feniciani, Greki e Kartagani, ed habitesis dal populo Guanche, posible de raso berbera. Le Guanche havis politeista religio e lasis pikturi e graburi en roki, ed objekti ek ceramiko.

Dum la 14ma yarcento developesis instrumenti e bateli qui faciligis la navigado en Atlantiko. L'unesma skopo di navigisti esis plubonigar l'aceso a richesi di Afrika. En 1312, Genovana navigisto Lancelloto Malocello desembarkis en Lanzarote. La koloniigo oficale komencis en 1402, kande Normanda navigisti Jean de Béthencourt e Gadifer de la Salle, nobeli e vasali de Enrique la 3ma di Kastilia, arivis a Lanzarote kun skopo explotar likeno Roccella canariensis, qua produktas naturala kolorizivo purpurea. Komence, la konquesto di Kanarii facesis da privata entraprezi, ed esis kelke simpla che insuli Lanzarote, Fuerteventura, La Gomera ed El Hierro, qui havis mikra habitantaro. Tamen, l'originala habitanti di La Gomera revoltis kontre Hispana dominaco en 1488, e Hispani kontrolis l'insulo erste kande vinkis li.

Geografio

La chefa insuli esas (de granda a mikra) Tenerife, Fuerteventura, Gran Canaria, Lanzarote, La Palma, La Gomera, El Hierro e La Graciosa. Insulo Fuerteventura distas cirkume 100 km este de Afrikana kontinento.