Baskia

Baskia País Vasco (Hispana) Euskadi (Baska) Autonoma regiono di Hispania Placo di la Blanka Virgino (Plaza de la Virgen Blanca) en Vitoria-Gasteiz. Chefurbo Vitoria-Gasteiz Maxim granda urbo Bilbao Surfaco 7 234 km² Habitanti Denseso di habitantaro 2 227 684 (2024) 307.94 hab./km² Lendakari Imanol Pradales (EAJ-PNV) Horala zono UTC+01:00 (UTC+02:00 dum somero) TNP (yaro) € 78 004 (2021) Reto www.euskadi.eus

Baskia (Hispane: País Vasco, Baske: Euskal Herria o Euskadi) esas autonoma regiono di Hispania, anke judikata kom historiala nacioneso. Ol jacas norde-este de Hispana teritorio, apud Maro di Kantabria, an la frontiero kun Francia. Segun statistiki por 2024, ol havis 2 227 684 habitanti, de qui cirkume la duimo habitas la metropolala regiono di Bilbao. La tota surfaco dil autonoma regiono esas 7 234 km².

Historio

Baskia habitesas kontinue depos paleolitiko, quale montras arkeologiala jaceyi trovita che groti Santimamiñe, Altxerri ed Ekain. Posible la regiono anke habitesis da Kelti, quale montras diversa metalal objekti trovita en Arrola, Malmasín o Bolumburu. Segun Claudius Ptolemaeus, ante l'arivo di Romani, Viscaya habitesis da Karitii ed Autrigoni, Álava da Autrigoni e Beroni, e Guipúzcoa habitesis da Varduli e Vaskoni. Historiisti ne savas l'exakta origini di ta populi.

De la falio di Romana imperio til cirkume yaro 1000, existas poka informi pri la historio di Baskia. Semblas ke nek l'invadi da Visigoti nek l'invadi da Mohamedani afektis Viscaya o Guipúzcoa, malgre ke posible lua litoro invadesis da Vikingi. On kredas ke Vikingi instalis kolonieto en la nuna Mundaca (Mundaka), e posible originis la heroala legendo pri Jaun Zuria, qua vinkis Asturiani ed establisis la frontieri di Baskia. On kredas ke pos Mohamedana invado, Álava e Viscaya divenis kontrolita da Asturiani.

Videz anke

• Euskal Herria