Jules Mazarin
| Jules Mazarin, kardinalo Mazarin | ||
| ||
| Chefministro di Francia | ||
| Guvernisteso: | de la 4ma di decembro 1642 til la 9ma di marto 1661 | |
| Precedanto: | Kardinalo Richelieu | |
| Sucedanto: | Jean-Baptiste Colbert | |
| Personal informi | ||
| Naskodato: | 14 di julio 1602 | |
| Naskoloko: | Pescina, Abruzzo, Rejio Napoli | |
| Mortodato: | 9 di marto 1661 | |
| Mortoloko: | Vincennes, Francilia, Rejio Francia | |
| Profesiono: | kardinalo katolika e politikisto | |
Jules Mazarin, kardinalo Mazarin, civila Giulio Raimondo Mazzarino, kardinalo katolika e politikisto n. ye la 14ma di julio 1602 til la 9ma di marto 1661, esis chefa ministro di Francia de la 4ma di decembro 1642 til lua morto, sucedinta lua mentoro, kardinalo Richelieu.
Pos laborir kom diplomacisto por papo Urbanus la 8ma, Mazarin ofris lua diplomacala servadi a Richelieu, e transferis su a Paris en 1640. Pos la morto di Richelieu en 1642, Mazarin divenis chefa ministro di Francia dum regnado da Louis la 13ma, e pose divenis chefo di guvernerio por Anne de Austria, lor la regento di Francia pos la morto di Louis la 13ma, ed anke matro di Louis la 14ma. Mazarin anke divenis responsiva pri l'eduko dil yuna rejulo til lua majoreso.
Dum l'unesma yari di Mazarin kom chefministro, Francia obtenis importanta vinki dum la milito di triadek yari. Tamen, en 1648 eventis revolto duktita da nobeli kontre Anne e Mazarin, e pose altra revolto duktita da Louis la 2ma de Bourbon. Mazarin transferis Anne e Louis la 14ma de Paris, til ke generalo Henri de La Tour d'Auvergne sucesis vinkar Louis la 2ma de Bourbon.