Abruzzo

De Wikipedio
Salti al navigilo Irez a serchilo
Regione Abruzzo
Flag of Abruzzo.svg Regione-Abruzzo-Stemma.svg
Chef-urbo L'Aquila
Abruzzo in Italy.svg
Surfaco 10 763 km²
Habitanti
Denseso di habitantaro
1 307 919 (2012)
120 hab./km²
Guberniestro Giovanni Chiodi
Reto www.regione.abruzzo.it

Abruzzo esas regiono di Italia, jacanta an la centro di la lando. Ol havas kom vicini Marche norde, Lazio weste e sud-weste, Molise sud-este, e l'Adriatiko este.

Bazala fakti pri Abruzzo.

Historio[redaktar | redaktar fonto]

Homi ja habitis la regiono depos Neolitiko. Dum la Mezepoko la regiono konocesis kom Aprutium. Til 1963 il apartenis kune Molise a la regiono Abruzzi, qua recevis ta nomo kande ol administresis dal rejio di la du Sicilii, e havis la nomi Abruzzo Citeriore ed Abruzzo Ulteriore I e II.

Geografio[redaktar | redaktar fonto]

La monto Gran Sasso.

La regiono jacas an la centro di Italia. Ol esas un ek la maxim montoza regioni di la lando: 64% ek lua teritorio konsistas ek monti e 36% konsistas ek kolini. Lua maxim alta monti esas Gran Sasso, kun 2 912 metri di altitudo, e Monto Majella, kun 2 793 metri di altitudo.

Abruzzo havas multa fluvii e riveri, tamen nur du, la fluvio Pescara e la fluvio Sangro, esas longa de plua kam 100 km. Lua litoro longa de 150 km havas extensa plaji e bela peizaji. Ol konsideresas la maxim verda regiono di Europa.[1]

Lua klimato subisas influi de la monti: an la litoro ol esas Mediteraneala, kun varma e sika someri e milda e pluvoza vintri. Dum la vintro en alta regioni la temperaturi falas infre 0°C.

Subdividuro[redaktar | redaktar fonto]

La regiono konsistas ek 4 provinci:

Ekonomio[redaktar | redaktar fonto]

Vino Montepulciano, de Abruzzo.
Plajo di Ortona.

Til kelka yardeki ante nun Abruzzo esis povra regiono. Tamen ol developis rapide depos la yari 1950ma. Kande on komparas la TNP per persono de la regiono kun la TNP de la nordo di Italia, en 1951 ol esis nur 53%, en 1971 ol esis 65%, ed en 1994 ol ja esis 76%. Quankam L'Aquila subisis forta ter-tremo ye la 6ma di aprilo 2009 la statistiki indikas rekuperi pos 2010. La regiono esas la maxim richa de la sudo di Italia.

Nune lua precipua industrii esas medikamenti, biomedicino, elektroniko, mekanikala injeniorarto, equipuri por transporto e por telekomuniki. La produktado di vini - di qui Montepulciano d'Abruzzo e Trebbiano d'Abruzzo esas la maxim famoza - vit-bero, cereali, e betravo anke esas importanta.

Turismo kreskis multe dum lasta yardeko, note de Europani. La regiono havas 21 skio-stacioni, kasteli e mezepokal urbi, plaji (exemple: Vasto e Silvi Marina), e diversa monti por acensar.

Referi[redaktar | redaktar fonto]

Italiana flago Regioni di Italia Italiana flago
Abruzzo | Apulia | Basilikata | Emilia-Romagna | Friuli-Venezia Giulia | Kalabria | Kampania | Lazio | Liguria | Lombardia | Marche | Molise | Piemont | Sardinia | Sicilia | Toskania | Trentino-Supr Adijo/Suda Tirol | Umbria | Valo di Aosta | Veneto