Kalabria

Kalabria Regione Calabria Regiono di Italia Aragonana kastelo che Reggio Calabria. Chefurbo Catanzaro Maxim granda urbo Reggio Calabria Surfaco 15 079 km² Habitanti Denseso di habitantaro 1 836 512 (2023) 120.65 hab./km² Prezidanto Roberto Occhiuto (Forza Italia-CDX) Horala zono UTC+1 (UTC+2 dum somero) TNP (yaro) € 33,6 miliardi (2008) Reto www.regione.calabria.it/

Kalabria esas regiono di Italia an la sudo di la lando. Ol esas vicina de Bazilikata an la nordo, e del insulo Sicilia an la sudo. Maro Tirreno jacas weste e Maro Ioniana jacas este.

Bazala fakti pri Kalabria.

Historio

La sudo di Italia en 280 aK.

L'unesma Greka kolonii establisita en Italiana teritorio trovis tri precipua populi: Ausoni, Enotri e Japigi. Le Ausoni ja habitis la regiono cirkume 1600 yari aK, ed esis di etnio Oska. Lua teritorio enkorpigis parto di Lazio til Kalabria. En 744 aK, grupo di Greki de Chalkida fondis urbo Reghion (nun Reggio Calabria), e pose Zankle (nun Messina) an l'altra latero dil stretajo di Messina. Pose, koloniigisti de Reghion e Zankle fondis urbo Metauros, nun urbo Gioia Tauro.

Inter 280 aK e 275 aK eventis milito inter Romana republiko e Taranto. Ca lasta pregis helpo de Pirrus de Epiro, qua vinkis Romani en 280 aK, uzanta elefanti. Tamen, Pirrus pose vinkesis da Romani, ed en 275 aK lu retretis a Sicilia, ube Siracusa pregis helpo por luktar kontre Kartagani. En 272 aK, Romani konquestis la tota sudo di la peninsulo Italiana.