Emilia-Romagna

Emilia-Romagna Regiono di Italia Fluvio Po proxim Ferrara. Chefurbo Bologna Maxim granda urbo Bologna Surfaco 22 446 km² Habitanti Denseso di habitantaro 4 459 477 (2019) 198,68 hab./km² Prezidanto Stefano Bonaccini (PD-CSX) Horala zono UTC+1 (UTC+2 dum somero) TNP (yaro) USD 190 812 milioni (2018) Reto www.regione.emilia-romagna.it/

Emilia-Romagna esas un ek la 20 regioni di Italia. Segun statistiki de 2019, ol havis 4 459 477 habitanti. Lua tota surfaco esas 22 446 km².

Historio

Emilia-Romagna habitesas de paleolitiko, quale montras arkeologiala restaji trovita en multa parti di la regiono. Cirkume l'1ma yarmilo aK, ol habitesis dal anciena "kulturo Villanova", qua pose remplasesis da Etruski. Dum la 3ma yarcento aK, Romani konquestis la regiono e konstruktis choseo Via Emilia.

Mauzoleo Galla Placidia, un ek la maxim anciena monumenti kristana, konstruktita de 425 til 450.

Kande kristanismo expansis su tra Roman imperio multa monakeyi konstruktesis ibe. Pos la falio di Romana imperio, la nordo di Italia konquestesis da Germana tribuo Lombardi, qua fondis rejio en la regiono, inkluzinte regiono Emilia. En 774, li revokesis da Frankiana rejo Karolus la Granda.

Dum la 10ma yarcento, la nordo di Italia enkorpigesis a Santa Romana imperio dum la regno di Otto la 1ma. Til la fino di Mezepoko, la grado di kontrolo super la regiono variis. Dum la 12ma yarcento, papeso expansis sua politikala influo, ed urbi-stati komencis organizar su en opozo a Santa Romana imperiestri. Nordala urbi, suportita dal papo, formacis la Ligo Lombarda, e sucesis diminutar l'influo di dinastio Hohenstaufen en lia teritorii. La divido inter suportinti ed opozinti dil imperio kreis du grupi, Gelfi e Gibelini, qua duris dum yarcenti. Dum la sequanta yarcenti ambe Emilia e Romagna administresis da papala reprezentisti.