Irez a kontenajo

Friuli-Venezia Giulia

De Wikipedio
Friuli-Venezia Giulia
Regiono di Italia
Kastelo Miramare, en Trieste.
Chefurbo Trieste
Maxim granda urbo Trieste
Surfaco 7 845 km²
Habitanti
Denseso di habitantaro
1 215 220 (2019)
154,9 hab./km²
Prezidanto regionala Massimiliano Fedriga (Lega Italia-koalisuro centrodextrana)
Horala zono UTC+1
(UTC+2 dum somero)
TNP (yaro) € 39 115 milioni (2021)
Reto www.regione.fvg.it/

Friuli-Venezia Giulia esas un ek la 20 regioni di Italia, jacanta nord-este de la lando. Ol havas frontieri kun Austria norde, Eslovenia este, e kun Veneto weste. Sude jacas Adriatiko. Segun statistiki de 2019, ol havis 1 215 220 habitanti.

Ruini di Aquilea.

Ca regiono habitabas de la prehistorio. Dum la 10ma yarcento aK aparis la Castelleri, vilajeti kun habitantaro deveninta de Iliria. En 181 aK, Romani fondis urbo Aquileia, por preventar l'invado da Kelta populi. Aquileia divenis importanta dum la regno di Augustus, e funcionis dum Romana imperio kom regionala chef-urbo di Regio X Venetia et Histria, un ek la subdividuri dil imperio. En 452, tillore prosperoza Aquileia invadesis dal Huni komandita da Attila. L'urbo devastesis e rekuperis su lente.

Pos ke Lombardi kreis kolonieti en la regiono dum la 6ma yarcento, mem la historio di regioni proxima separesis. Urbo Cividale del Friuli divenis chef-urbo di dukio Friul (Italiane: Friuli, de Romana Forum Iulii), l'unesma dukio Lombarda en la regiono. Urbeto Grado (Slovene Gradež) ed Istria divenis longatempe sub dominaco Bizancana ed en la regiono Kras (Italiane Carso) establisesis populi Slava.

Italiana flago Regioni di Italia Italiana flago
Abruzzo | Apulia | Basilikata | Emilia-Romagna | Friuli-Venezia Giulia | Kalabria | Kampania | Lazio | Liguria | Lombardia | Marche | Molise | Piemont | Sardinia | Sicilia | Toskania | Trentino-Supr Adijo/Suda Tirol | Umbria | Valo d'Aosta | Veneto