Lombardia

Lombardia





Chefurbo	Milano




Surfaco	23 844 km²

Habitanti Denseso di habitantaro	10 018 020 (2016) 420 hab./km²
Guberniestro	Roberto Maroni (LL-LN)



Horala zono	UTC+1 (UTC+2 dum la somero)

TNP (yaro)	€ 466 miliardi (2014)

Reto	www.regione.lombardia.it

Lombardia esas Italiana regiono.

Bazala fakti pri Lombardia.

Historio[redaktar | redaktar fonto]

La regiono di nuna Lombardia ja habitesis de adminime la 2ma yarmilo aK, quale montras la restaji di ceramikal objekti, flechi, hakili e taliata roki trovita ibe. Cirkume 300 mil desegni en roki kreita dal populo Camuni e trovita en Valcamonica facesis dum cirkume 800 yari ante la fer-epoko. La desegni montras animali, personi e simboli.

Ruinuri Romana che Milano.

Dum la sequanta yarcenti, la regiono habitesis dal Etruski, qui fondis l'urbo Mantova, pose dal Kelti, e fine dal Romani. La yaro 194 aK, la regiono divenis Romana provinco Gallia Cisalpina, e dum la sequanta yaro, Romana kulturo e linguo aplastris l'antea civilizuro. Gallia Cisalpina divenis un ek la maxim richa provinci del imperio pro la konstrukto di multa chosei, e developo di agrokultivo e komerco. Importanta nomi de Romana kulturo naskis ibe, exemple Plinius la Seniora, e la poeto Vergilius. La yaro 313 en Milano, lora imperiestro Konstantinus la 1ma publikigis l'Edikto di Milano, qua permisis religiala libereso en tota Romana imperio.

Dum e pos la falio di Romana imperio, Lombardia subisis multa invadi da tribuala populi, qui efektigis granda destruktado en la regiono. La maxim famoza ek li esis Lombarda Germani, o Longobardi, qui enmigris veninte de la Karpatiana baseno por eskapar de Panoniana Avari en 568. La rejio Lombarda, kun chef-urbo en Pavia, donis lua nomo tota regiono. Dum multa yarcenti, la nobelesi Lombarda, Franka e Bavariana mantenis proxima relati inter li. La linguo Lombarda fine asimilesis da linguo Latina parolita en la peninsulo, e la geni Lombarda e Latina rapide mixis por formacar la nuna habitanti di Italia. La rejio Lombarda finis en 774, kande Karolus la Granda konquestis la regiono.

Dum la 10ma yarcento, malgre formale sub la tutelo dil Santa Romana imperio, Lombardia fakte subdividesis en mikra urbi-stati. Dum la 11ma yarcento l'ekonomio di la regiono kreskis, pro la kresko dil komerco e plubonigo dil agrokultivo.

Geografio[redaktar | redaktar fonto]

Lombardia esas la 4ma maxim vasta regiono di Italia, e havas frontieri kun Suisia norde, e la regioni Trentino-Supr Adijo/Suda Tirol e Veneto este, Emilia Romagna sude, e Piemont weste. Lua reliefo povas dividesar en tri zoni: la montoza regiono norde esas prolonguro de l'Alpi; centre existas kolineti platajo kun stoneti de aluvional origino, e sude existas plana regiono nomizita Padania, an la valo dil fluvio Po.

Ekonomio[redaktar | redaktar fonto]

Demografio[redaktar | redaktar fonto]

Ye la 1ma di januaro 2017 rezidis en Lombardia 10 019 166 personi,^[1] equivalanta a 1/6 ek Italiana habitantaro e cirkume 2% de la habitantaro dil Europana Uniono.

La 10 maxim granda urbi di Lombardia (marto 2018)

Imaji	Rango	Nomo	Habitantaro
Milano Brescia
	1^ma	Milano	1 372 810
	2^ma	Brescia	200 423
	3^ma	Monza	123 527
	4^ma	Bergamo	121 140
	5^ma	Busto Arsizio	83 532
	6^ma	Como	83 251
	7^ma	Sesto San Giovanni	81 515
	8^ma	Varese	80 397
	9^ma	Cinisello Balsamo	75 744
	10^ma	Pavia	72 871
Fonto: ^[2]

Referi[redaktar | redaktar fonto]

↑ Demografia Regione Lombardia (Italiana). URL vidita ye la 10ma di julio 2018.
↑ ISTAT. Dati Istat al 1 gennaio 2017.

	Regioni di Italia
Abruzzo \| Apulia \| Basilikata \| Emilia-Romagna \| Friuli-Venezia Giulia \| Kalabria \| Kampania \| Lazio \| Liguria \| Lombardia \| Marche \| Molise \| Piemont \| Sardinia \| Sicilia \| Toskania \| Trentino-Supr Adijo/Suda Tirol \| Umbria \| Valo d'Aosta \| Veneto

[DEMOISTAT-1] Demografia Regione Lombardia (Italiana). URL vidita ye la 10ma di julio 2018.

[Kontado-2] ISTAT. Dati Istat al 1 gennaio 2017.

[1]

[2]