Dinastio Habsburg

De Wikipedio
Irez a navigado Irez a serchilo
Blazono di la dinastio Habsburg.
Teritorii Europana kontrolita da le Habsburg, en 1547

La dinastio Habsburg, anke nomizita dinastio Austriana, esis un ek la maxim influanta e povoza dinastii di Europa. Le Habsburg okupis la trono di Santa Romana imperio kontinue de 1438 til 1740, e dum kelka periodi ank okupis la troni di Hispana imperio, Portugal, Bohemia, Anglia, Hungaria, Kroatia e tale nomizita duesma Mexikiana imperio.

Le Habsburg originis de modesta kastelo en Argovie/Aargau, en la nuna Suisia. La fondero di la dinastio esis komto Radbot de Habsburg (n. c. 985 til 1040) qua komencis kontrolar la kastelo kom vasalo de la duko di Swabia, dum la komenco di la 11ma yarcento. Pos serio di mariaji e povoza federi la familio gradope augmentis lua influo, til ke en 1273 Rudolf la 1ma kronizesis kom "Santa Romana imperiestro".

Depos la regno di Karolus la 5ma di Germania (1519-1556), la dinastio Habsburg dividesis en du. Le Habsburg qui kontrolis Hispana imperio extingesis kom rejala familio en 1700, kande Carlos la 2ma di Hispania mortis sen heredinti.