Valo d'Aosta

Valo d'Aosta Valle d'Aosta (Italiana) Vallée d'Aoste (Franca) Val d'Outa (Arpitana) Regiono di Italia Kastelo di Sant-Pierre, che Valo d'Aosta. Chefurbo Aosta Maxim granda urbo Aosta Surfaco 3 263 km² Habitanti Denseso di habitantaro 125 666 (2019) 38.51 hab./km² Prezidanto regionala Renzo Testolin (UV) Horala zono UTC+1 (UTC+2 dum somero) TNP (yaro) 4 453 milion € (2017) Reto www.regione.vda.it

Valo d'Aosta esas regiono autonoma di Italia jacanta nord-este de la lando. Ol havas frontieri kun Francia e Suisia ed esas la sola regiono di Italia ube la Franca linguo ank esas oficala.

Historio

Restaji di megaliti trovita en Saint-Martin-de-Corléans.

Homi habitabas la regiono de adminime la 4ma yarmilo aK, quale montras megaliti trovita en Saint-Martin-de-Corléans ed en Piccolo San Bernardo. Ante la konquesto Romana, la regiono habitesis da kelta populo nomizita Salassi.

Geografio

Valo d'Aosta jacas en valo del Alpi, e lua teritorio ordinare superiras 1600 metri di altitudo. Lua klimato esas kolda kontinentala (Dfc segun la klimatala klasifikuro da Köppen-Geiger. En ca klimato la nivoza sezono esas longa, e povas durar dum 8 o 9 monati en la maxim alta regioni. En 25 aK, Romani fondis Augusta Prætoria Salassorum, la nuna Aosta. L'Arko di Augustus, la Pordo Pretoria, la forumo Romana ed altra monumenti montras l'importo dil urbo dum Romana epoko. Kande kristanismo expansis dum la 4ma yarcento, Aosta divenis sideyo di episkopio.

Pos la falio di Romana imperio, la regiono komence restis sub guverno da Flavius Odoacer, e pose divenis parto di Rejio Ostrogota, sub rejo Theodorik. Pos milito en 568 la regiono enkorpigesis ao rejio Lombardia. En 575, Merovingiana rejo Gontran vinkis Lombardi ed anexis Aosta e Susa. En 774, Karolus la Granda konquestis la regiono, qua enkorpigesis a Rejio Italia, lor parto di Santa Romana imperio.