Liguria

Liguria Regiono di Italia Vernazza, urbeto che regiono Cinque Terre. Chefurbo Genova Maxim granda urbo Genova Surfaco 5 422 km² Habitanti Denseso di habitantaro 1 550 640 (2019) 285,99 hab./km² Prezidanto Marco Bucci (senpartisa-CDX) Horala zono UTC+1 (UTC+2 dum somero) TNP (yaro) € 48,5 miliardi (2021) Reto www.regione.liguria.it/

Liguria esas regiono di Italia jacanta norde de la lando, havanta frontiero kun Francia adeste. Segun statistiki de 2019, ol havis 1 550 640 habitanti. Lua tota surfaco esas 5 422 km².

Historio

Sepulto di adolecanto, de supra paleolitiko, 29 mil yari ante nun.

Che kaverno Balzi Rossi trovesis restaji montranta ke homi habitis la regiono 300 mil yari ante nun. Restaji di Homo neanderthalensis trovesis proxim Loano. Restaji del Homo sapiens Cro-Magnon anke trovesis che kaverno Balzi Rossi. En Arene Candide trovesis restaji de Neolitiko, inter 20 mil e 18.700 yari ante nun.

Kupro komencis minesar dum la 4ma yarmilo aK en Liguria. Mineyi en Libiola e Monte Loreto, de 3700 aK, esas la maxim anciena de Mediteranea regiono. En tota la regiono trovesis restaji de primitiva Liguriani del epoko Neolitiko (2ma yarmilo aK). On kredas ke primitiva Liguriani, konsistanta ek diversa tribui, establisis su en la tota Mediteraneo, nome apud fluvii Rhône ed Arno, segun naracas historiisto Polybius. Li anke koloniigis Korsika, Sardinia e Sicilia. Genova habitesas de la 5ma o la 4ma yarmilo aK.

Dum l'unesma Punika milito Liguriani dividesis, e parto ek li suportis Kartago, kontre ke altri, inkluzinte habitanti di Stalia (la nuna Genova) suportis Romana republiko.

Ekonomio

La precipua ekonomial agadi esas turismo e la produktado di oliv-oleo, vino, peskajo ed altra industrii (konstrukto di yakti e navi, manufakturado di ceramiko e vitro, edc.).