Turismo

De Wikipedio
Irez ad: pilotado, serchez
Turmo Eiffel en Paris, la 18ma maxim vizitita loko de la mondo.
Machu Picchu, un ek la maxim vizitita loki en Sud-Amerika.

Turismo esas voyajo facita precipue kun intenco di amuzar su, distraktar e laxigar. Mondala Organizeso pri Turismo definas turisti kom "personi qui voyajas e restas en loki exter lia ordinara cirkumaji, por periodo infre 1 yaro, kun intenco di amuzo e di facar nesalariita aktivesi."

Turismo divenis importanta libertempo ed anke ekonomiala agado en la mondo: en 2011, plu kam 983 milion personi voyajis kun intenco di turismo. To reprezentis augmento di 4.6% kande komparita a 2010.[1]

Turismo esas importanta ekonomikal agando en multa landi, exemple Egiptia e Tailando, ed en diversa insulala stati, exemple Fidji e Tahiti (en Pacifiko), Santa Lucia e Bahama (en Karibiana maro), edc., pro la granda enfluo di pekunio e la granda efektigo di ta labori en lia ekonomii.

Maxim vizitita landi[redaktar | redaktar fonto]

Fonto: Statistiki de Mondala Organizeso pri Turismo.

Rango Lando Kontinento Arivado di internaciona
turisti (2006)
1 Flag of France.svg Francia Europa 79,1 millioni
2 Flag of Spain.svg Hispania Europa 58,5 millioni
3 Flag of the United States.svg Usa Nord-Amerika 51,1 millioni
4 Flag of the People's Republic of China.svg PR Chinia Azia 49,6 millioni
5 Flag of Italy.svg Italia Europa 41,1 millioni
6 Flag of the United Kingdom.svg Unionita Rejio Europa 30,1 millioni
7 Flag of Germany.svg Germania Europa 23,6 millioni
8 Flag of Mexico.svg Mexikia Nord-Amerika 21,4 millioni
9 Flag of Austria.svg Austria Europa 20,3 millioni
10 Flag of Russia.svg Rusia Europa 20,1 millioni

Ekoturismo*[redaktar | redaktar fonto]

Parko Nacionala Tapanti, en Kosta Rika.

Ekoturismo* od ekologiala turismo divenis maxime populara pos la personi deskovrir l'importo di prezervar naturo e deziris vizitar prezervita regioni. La vorto kreesis en 1973, per l'uniono di "eko" (abreviuro di ekologio) kun "turismo".

Ekoturismo* envolvas la vizito a regioni ube animali, plantaro e kulturala heredaji esas la precipua atraktivi. Exemple la fotografala Safari en la savani di Afrika, o vidar baleni o delfini en la mari.

En landi quale Kosta Rika, Equador, Nepal ed altri, ekoturismo* reprezentas importanta parto di la kuntara landala produkto.

Referi[redaktar | redaktar fonto]

  1. (2012). International Tourism Recepits surpass 1 Trillion in 2011. World Tourism Organization. URL vidita ye la 15ma di junio 2012.