Karaoke (televizion-serio)

De Wikipedio
Salti al navigilo Irez a serchilo

Karaoke esas britaniana televizion-dramato skribita da Dennis Potter, dum ke il savis ke il esis mortanta pro kancero pankreatala.

Ol formacas l'unesma duimo de paro kun la serio Cold Lazarus.  La du serii cinematografesis kom un produkturo da la sama esquado; amba direktesis da Renny Rye.

Amba dramati esis unika pro esar kunprodukti inter BBC e rivala brodkasterio Channel 4, kunlaboro demandita da Potter ante lua morto.  La programo unesme brodkastesis che BBC1 en aprilo 1996 ye sundio-vespero, kun repeto che Channel 4 ye la sequanta dio.

Inter l'aktori en la serio esas Albert Finney, Richard E. Grant, Hywel Bennett, Roy Hudd, Julie Christie, Saffron Burrows e Keeley Hawes.

La precipua karaktero di Karaoke esas Daniel Feeld (pleita da Albert Finney), angla dramatisto en tarda mez-evo ilqua laboras pri televizion-produkturo di sua nova teatrajo, ipsa titulizita Karaoke.  La dramato koncernas la relato inter yuna muliero, Sandra Sollars, elua amikulo Peter Beasley ed Arthur "Pig" Mailion, la proprietanto dil sordida karaoke-drinkeyo ube Sandra laboras.

Ye la fino dil serio, Daniel eniras hospitalo ed informesas ke il vivos nur plusa semani.  Il chanjas sua testamento, e legacas sua kadavro ad experimentala "cryogenics"-laboratorio, temo pose explorata en la serio Cold Lazarus.