Kisho

De Wikipedio
Kisho

Kisho (en la Franca: quiche) esas nekovrita torto, maxim ofte kun fundo de "sablo"-pasto facita de farino, aquo e butro. La plenajo konsistas de frapita mixuro de ovi e kremo. A to adjuntesas legumi, karno o fisho. La kisho maxim ofte esas manjata varme, ma ol anke povas esar manjata kolde.

La maxim multe konocata kisho esas la Kisho Lotringiana, di qua lardo esas la chef-ingrediento. Tradicionala Kisho Lotringiana ne kontenas fromajo. Kisho Alzaciana esas Kisho Lotringiana kun onyono. Torto flamagita (Germane: Flammkuchen) esas komparebla a kisho, quankam la Torto flamagita plu multe similesas a pico.

Kisho venas de Lotringia, alternante Germana o Franca regiono. La francigita nomo derivesas de vorto de regionala linguo parent a la Germana vorto Kuchen (kuko).