La Richeso di la Nacioni

De Wikipedio

L'inquesto pri la naturo e la kozi di Richeso di la Nacioni (Angle: An Inquiry into the Nature and Causes of the Wealth of Nations) o simple La Richeso di la Nacioni, esas la verko maxim konocata da Adam Smith. Publikigita en 1776, ol judikesas l'unesma moderna libro pri ekonomiko.

Smith expozis ilua analizo pri l'origino dil prospero di landi quale Anglia o Nederlando. Ilu developis ekonomiala teorii pri la laboro-repartisado, la merkato, la naturo di la richeso, la preco dil vari en laboro, la salarii, la benefici e l'akumulo dil kapitalo. Ilu examinis diferanta sistemi di politika ekonomio, e partikulare la mento di la komercisti e l'idei di la fiziokratio. Ank ilu developis l'ideo pri naturala ordino. Ica "sistemo di naturala libereso", segun nomizita da Smith, esas rezulto di la libera exercado dil individuala intereso qua beneficas sucese - sen propozar su ol - la komuna bonajo en la solvo di problemo e satisfaco di necesi per libera entraprezo, libera konkurenco e libera komerco.

La Richeso di la Nacioni nun judikesas un ek la maxim importanta verki pri ekonomiko e, segun Amartya Sen, ol esas "la maxim importanta libro ulatempe skribita pri ekonomikala vivo". Pro ta libro, Smith judikesas la fondinto di la klasika ekonomiko e dil ekonomikala liberalismo.