Lerwick
Lerwick (Norvegiana e Norna: Leirvik) esas la chefurbo e portuo en la Insuli Shetland, Skotia.
L'unika burgh (urbo) di Shetland, Lerwick havis habitantaro de cirkume 7.000 rezidanti en 2010.
Situita 200 km for de la nordala litoro di Skotia ed an la estala litoro dil chef-insulo di Shetland, Lerwick jacas 340 km norde-nordeste de Aberdeen; 357 km weste del simila portuo-urbo Bergen en Norvegia; e 367 km sudeste de Tórshavn en la Insuli Faero. Ol esas e la maxim nordala e la maxim estala urbo en Skotia.
Nomo
[redaktar | redaktar fonto]Lerwick esas nomo kun radiki en Anciena Nordala e lua lokala decendanto, Norna, qua parolesis en Shetland til la meza-19ma yarcento. La nomo "Lerwick" signifikas bayo de argilo. La korespondanta Norvegiana nomo esas Leirvik, leir qua signifikas "argilo" e vik, "bayo" o "bayeto". Urbi kun simila nomi existas en sudwesta Norvegia (Leirvik, Lervik) ed en la Insuli Faero (Leirvík).