Loch Ness

De Wikipedio
Salti al navigilo Irez a serchilo
Loch Ness

Loch Ness esas granda, profunda, sensala "loch" (lago) en la Skota Altalandi en Skotia qua havas longeso cirkume 37 kilometri, e jacas sudweste del urbo Inverness.

Olua surfaco jacas 16 metri super maro-nivelo.  Loch Ness esas konocata pro alegita vidi dil famoza Monstro di Loch Ness, anke konocata kom "Nessie".

Ol esas konektita ye la sudala finajo da la Rivero Oich e parto de la Caledonian-Kanalo a Loch Oich.  Ye la nordala finajo esas Bona Narrows qua ekfluas aden Loch Dochfour, qua suafoye fluas aden la Rivero Ness e plusa segmento de kanalo ad Inverness, e de ibe a la Norda Maro per Moray Firth.  Ol esas un ek serio de interkonektita, obskura lagi en Skotia; olua diafaneso esas basega pro alta torfo-kontenajo en la cirkondanta sulo.

Loch Ness esas la duesma maxim granda skota "loch" segun surfaco ye 56 km2 dop Loch Lomond, ma pro sua profundeso, ol esas la maxim granda segun volumino en Britania.  Olua maxim profunda punto esas 230 metri, pro to ol esas la maxim profunda "loch" en Skotia dop Loch Morar.

Exploro en 2016 asertis deskovrir krevisuro qua augmentis la profundeso a 271 metri, ma plusa resercho determinis ke to esis sondal anomalajo.  Ol kontenas plu multa sensala aquo kam omna lagi en Anglia e Wals kombinita, ed esas la maxim granda lago en la Great Glen, qua extensesas de Inverness norde a Fort William sude.

Nomo[redaktar | redaktar fonto]

Segun William Mac Kay en sua libro Urquhart and Glenmoriston: Olden times in a highland parish, editita en 1914, l'origino dil nomo esas de anciena skota legendo, en la Skota-Gaelana: "Tha loch ‘nis ann, tha loch ‘nis ann!" ("Esas "loch" nun, esas "loch" nun!").