Lombard Street (San Francisco)
.jpg)
Lombard Street (Lombard-Strado) esas esta-westa strado en San Francisco, Kalifornia qua esas famoza pro eskarpa, un-bloka parto kun ok "haropinglo"-turni.
Iranta de La Presidio adeste a La Embarcadero (kun lakuno sur Telegraph Hill), la westala parto del strado esas granda voyo qua formacas parto de Usana Voyo 101.
La famoza un-bloka parto, asertite "la maxim sinuoza strado en la mondo", situesas alonge la estala parto en la vicineyo Russian Hill. Ol esas granda turisto-atraktivo, e recevas c. du milion vizitanti singlayare, e til 17.000 singladie dum somero-semanfini. La strado nomizesis pro Lombard Street en Filadelfia, Pensilvania dal surveyisto Jasper O'Farrell.
La westala fino di Lombard Street esas ye Presidio-Bulvardo en La Presidio; ol lore iras adeste tra la vicineyo Cow Hollow. Lombard Street duras tra la vicineyo Russian Hill e til la vicineyo Telegraph Hill.
Lombard Street konocesas pro la un-sinsa bloko en Russian Hill inter la stradi Hyde e Leavenworth, ube ok akuta turni asertite igas ol la maxim sinuoza strado en la mondo. La desegnuro, unesme sugestita dal domeno-proprietanto Carl Henry e konstruktita en 1922, intencesis diminutar la naturala 27-procenta inklineso dil kolino, qua esis tro eskarpa por la maxim multa vehili.