Los Cristianos
Los Cristianos esas urbo en Hispania kun habitantaro 21.235 (en 2017), situita an la sudala marbordo dil Kanari-Insulo Tenerife.
Ol situesas en la municipo Arona inter la kono dil monto Chayofita e la plu granda monto Guaza. L'urbo-centro jacas cirkum la Bayo Los Cristianos, ma rapide expansesas marfore per moderna developeso. L'urbo esas populara turisto-vakanceyo ed inkluzas paromo-portuo.
Nequale lua vivaca vicino, Playa de las Américas, Los Cristianos havas historio de ante la turismo-explozo di la 1970a e 1980a yari. Dum multa yari ca vakanco-nabo esis quieta pesko-vilajo e lua humila origini esas evidenta en la tipala Kanarian arkitekturo dil anciena edifici.
Nunadie tamen, l'urbo ofras vakanco-experienco, kun du sabloza plaji, multa drinkeyi e restorerii e totyara sunoza klimato. Esas lojeyi por omna budjeti, inkluze hoteli ed apartamenti. Esas anke exkursi del urbo-portuo, inkluze delfin- e baleno-spekto ultre pesko-voyaji e partio-krozi.