Lucille Ball

Lucille Ball
Profesiono:	televizion- e cinem-aktoro
Lando:	Usa
Naskodato:	6 di agosto 1911
Nasko-loko:	Jamestown, Nova-York
Mortodato:	26 di aprilo 1989
Morto-loko:	Beverly Hills, Kalifornia
Retoloko:	http://www.lucy-desi.com/

Lucille Désirée Ball, (pronuncez: lusil-bol;, 1911 til 1989) esis Usana komedio-aktoro pri cinemo e televiziono. Lucille esis plu bone konocata kom Lucy Ricardo pro elua rolo en la televizion-komedio "I love Lucy" (Me amas Lusi).

El studiis en la Skolo por Dramatal Arti di John Murray Anderson (ube anke studiis Bette Davis dum la sama periodo). La docisti dicis ad el ke el ne sucesus kom aktoro

En 1933 el translojis a Hollywood e pleis mikra roli en filmi. L'unesma foyo ke elua nomo aparis sur la listo de aktori ye la fino di la filmo, esis Chatterbox (1936), en qua el pleis temperamentoz aktoro.

El renkontris la Kubana bandestro Desi Arnaz en 1940. Li interamoreskis e mariajesis. En 1948 el pleis komediala rolo en radio-teatrajo "My favorite Husband" qua esis tre sucesoza. CBS demandis ad el televizion-seriigar ol, Lucille konkordis kondicione ke el povis laborar kun elua spozulo, tale naskis "I love Lucy" produktita da la produkto-kompanio Desilu Produkturi. Pos yaro pleir "I love Lucy" en vodevil-teatri, ube ol esis tre sucesoza, CBS audacis brodkastar ol ye la televiziono ed ol divenis popularega serio.

Pos "I love Lucy" Lucille pleis ankore en diversa filmi, interaltre "Yours, Mine, and Ours" (1968), e la muzikala teatrajo "Mame" (1974) e "Stone Pillow" (1985). El anke esis gasto en diversa spektakli.

Ball mortis en 1989 pro lacerita aorto. El kremacesis ed entombigesis en la Forest Lawn Memorial Park en Kolini di Hollywood.

En 2005 Lucille Ball elektesis la maxim populara amata aktoro mortinta di Usa.