Lunar Orbiter 4

De Wikipedio
Irez ad: pilotado, serchez
La luno, kun Tero vidata dope, fotografita da Lunar Orbiter 4

Lunar Orbiter 4 esis kosmosondilo di Usa. La unesma tri sondili di la projeto Lunar Orbiter fotografis la luno por selektar terveno-loki por la Apollo-projeto; ca misiono havis generala ciencala skopo.

Ol esis lansata ye 4 di mayo 1967, e ye 8 di mayo ol esis pozata aden elipsala orbito super la poli di la luno. Pro teknikala desfacilaji, la fotografado di la luno esis frue finigata, ye 26 di mayo; tamen plu kam 500 utila fotografuri esis transmisata a Tero. La altra instrumenti, por trovar kosmala radiado e sentar kolizioni di mikrega meteori, bone funcionis.