Mandan
- Por la samnoma urbo, videz Mandan, Nordal Dakota.
Le Mandan esas aborijena populo de Nord-Amerika, qui historiale habitis alonge la rivero Missouri e sua enfluanti, rivero Heart e e rivero Knife, en la nuna stati Nordal Dakota e Sudal Dakota. Le Mandan esis la sola tribuo en la granda savano-regiono qua establisis agrokultivo e permananta habiteyi. Ca habiteyi konsistis ek ronda domi cirkume centrala areo. Le Mandan kolektis sovaja planti e chasis animali, precipue bufali.
La nomo Mandan originis de Franca-Kanadana explorero Pierre Gaultier de Varennes, qua audis aborijeni de etnio Assiniboine nomizar Mantannes la sama populo nomizita Ouachipouennes da indijeni Cree. Le Mandan nomizis sua propra populo "Numakaki", signifikanta "multa individui".
Europani unesme renkontris le Mandan alonge Missouri en 1738. On kalkulis ke ante kontakto kun Europani, le Mandan esis de 10 mil til 15 mil individui Pose, la nombro mikreskis pro morbi ed unigo kun altra tribui. Dum la 18ma yarcento li esis cirkume 3600 individui. Nun la nombro di parolanti dil idiomo Mandan esas nur sis. En 2010, la nombro di individui del etnio Mandan esis 1 171.[1]
Extera ligilo
[redaktar | redaktar fonto]
- ↑ 2010 Census CPH-T-6. American Indian and Alaska Native Tribes in the United States and Puerto Rico: 2010 - Publikigita da www.census.gov. URL vidita ye 18ma di januaro 2015.