Margravo
Margravo origine esis Mezepokala titulo por la militala komandero a quon atribuesis la defenso di un ek la frontierala provinci di Santa Romana imperio. Ca titulo (Germane: Markgraf) divenis heredala, ed adoptesis da kelka Germana feudala familii. Ol equivalas la titulo markezo, qua signifikas "guvernanto di frontierala teritorio" (marchia en la Latina).
La titulo "margravo" (Markgraf) adoptesis da guverninti di kelka princii Germana ed Austriana, exemple Margravio Brandenburg, Margravio Turingia, Margravio Stiria, edc.
