Mariner 2

De Wikipedio
Irez a navigado Irez a serchilo
Mariner 2 lansesas

Mariner 2 esas kosmosondilo di Usa por explorar la planeto Venuso.

Ol lansesis ye 27 di agosto 1962; ol portis instrumenti por mezurar magnetala feldo, mikra ondi, infra-reda radii e sunala plasma, e trovar partikuli e kosmala polvo. Ye 14 di decembro 1962 ol preterpasis Venuso, atingante minima disto 34.773 km. Konstatesis ke la temperaturi esas alta (c.220 gradi C) ed esis omnube simila sur la planeto.

Inter-planetala magnetala feldo esis trovata; nula specala magnetala feldo esis trovata de Venuso. Konstatesis anke ke esas kontinua sunala vento inter planeti, e ke esas minmulta kosmala polvo en la regiono di Venuso, kam en la regiono di Tero.