Mijas

De Wikipedio
Salti al navigilo Irez a serchilo
Mijas Pueblo

Mijas esas municipo en la provinco Málaga, en l'autonoma komuneso Andaluzia, Hispania.

Situita an la sudesta litoro di Hispania, Mijas apartenas a la regiono Costa del Sol Occidental. Olua centro esas tipala Andaluziana blanke kalk-indutita vilajo, Mijas Pueblo, situita sur montopento cirkume 430 metri super la maro-nivelo, en la sino dil regiono Costa del Sol.

En 2018 la habitantaro di Mijas esis 80.630, en areo de 148.8 km2.

La municipo havas tri nuklei, ube lojas la majoritato del habitantaro:

  • Mijas Pueblo (vilajo sur kolinopento, administrala centro dil municipo)
  • La Cala de Mijas (litorala vilajo e marbordala vakanceyo)
  • Las Lagunas (preurbana e komercal areo norde e weste de, e grandaparte integrigita kun, Fuengirola).

La nomo Mijas Costa signifikas la litoral areo Mijas, aparte la vilaji Calahonda, Riviera e La Cala de Mijas.

L'ekonomio di Mijas precipue fondesas sur turismo, kun lokala historiala muzei e multa suveniro-butiki. La municipo havas sep golfeyi.

Agrokultivala produkturi inkluzas terpomi, cereali, ed avokadi.