Mikhail Glinka

De Wikipedio
Irez ad: pilotado, serchez
Mihail Ivanovich Glinka
Michael Glinka.jpg
Profesiono: kompozisto
Lando: Romanov Flag.svg Rusiana Imperio
Nasko-dio: 1ma di junio 1804
Nasko-loko: Novospasskoye, Rusian imperio
Morto-dio: 15ma di februaro 1857
Morto-loko: Berlin, Prusia

Mikhail Ivanovich Glinka (1 di junio 1804 til 15 di februaro 1857) esis Rusiana kompozisto.

Ye la 7ma di septembro 1842 lia opero Vivo por la Caro unesmafoye pleesis en Moskva, pos olua apertala pleo en St. Petersburg en 27 di novembro 1836. Glinka esis l'unesma Rusiana kompozisto qua divenis bone konocita, ed il esis influiva por futura Rusiana kompozisti.

Vivo por la Caro esis l'unesma di du operi da Glinka. Fondita sur faktala eventi di 1613, la rakonto esas pri rurano Ivan Susanin, qua sakrifikas sua vivo por salvar la vivo di Caro Mihail 1ma, kande il misduktis Polona soldati qui intencis kaptar la Caro. Caro Nikolai 1ma ipsa havis intereso pri la skribado di ca opero, ed il sugestis la titulo, vice la originala titulo Ivan Susanin. La opero esis bone recevita, e la Caro donis valoroza ringo a Glinka. Futura Rusiana operi, influita da ca verko, simile traktis nacionala historiala temi.

La duesma opero di Glinka, Ruslan e Lyudmila, unemsafoye pleesis en 9 di decembro 1842, en St. Petersburg; ol ne esis tam bone recevita kam lia unesma opero, e to deskurajigis ilu pri skribar plusa operi.

Ilu vivis du yari en Paris e pose en Berlin, ube ilu mortis.