Muzeo Boijmans Van Beuningen

De Wikipedio
Jump to navigation Jump to search
Muzeo Boijmans Van Beuningen

Muzeo Boijmans Van Beuningen (Museum Boijmans Van Beuningen) esas arto-muzeo en Rotterdam, Nederlando.

Ol situesas en la Museumpark en la distrikto Rotterdam Centrum, proxim la Kunsthal e la Muzeo di Naturala Historio.

La muzeo apertesis en 1849.  Ol konservas la kolekturi di Frans Jacob Otto Boijmans (1767–1847) e Daniël George van Beuningen (1877–1955).  En la kolekturo, de mezepoka a nuntempa arto, esas verki da Rembrandt, Claude Monet, Vincent van Gogh e Salvador Dalí.

En 2013, la muzeo havis 292.711 vizitanti ed esis la 14ma maxim vizitita muzeo en Nederlando.

La muzeo establisesis en 1849 kom Museum Boymans kun la kolekturo di Frans Jacob Otto Boijmans (1767–1847).  La piktisto ed arto-komercisto, Arie Johannes Lamme, esis la unesma direktisto dil muzeo.  Granda parto dil originala kolekturo dil muzeo destruktesis pro fairo en 1864.

La kolekturo di komercisto Daniël George van Beuningen (1877–1955) adjuntesis en 1958, kande la muzeo aquiris la nomo Museum Boymans-van Beuningen.  La espelo chanjesis a Museum Boijmans Van Beuningen en 1996.

La muzeo havas diversa kolekturo de mezepoka a nuntempa arto, enfokigante nederlandana arto.  Granda parto dil kolekturo venis al muzeo per la du privata kolekturi jus mencionita, ma multa altri kontributis tra la yari.

Inter la maxim bone konocata artisti expozata en la permananta expozo dil muzeo esas Hieronymus Bosch, Pieter Bruegel the Elder, Rembrandt, Claude Monet, Wassily Kandinsky, Vincent van Gogh, Maurizio Cattelan, Paul Cézanne, René Magritte, Salvador Dalí, Mark Rothko, Edvard Munch e Willem de Kooning.