NIFO

De Wikipedio

NIFO (ne-identizita flugant objekto) esas objekto di qua l'origino esas nekonocata.

La defino introduktesis fino di 1945 dal Usan aerarmeo en Project Grudge, la preversiono di Project Blue Book, por referar ad aparta klaso de observaji qui permanante restis neklarigeble.

NIFO esas supozita cielala fenomeno, qua perceptesas kom flugant objekto ma ne esas klare identizita. Neidentizita flugant objekti ofte konsideras da certena personi kom exterterana spaconavi ed en populara kulturo ya divenabis sinonima kun diskatra spaconavi ofte nomata "fluganta diski" en lingui natural.

Segun ciencala studii la majoritato di neidentizita flugant objekti esas misidentifikita naturfenomeni o normal objekti, quale avioni, aerostati o nubi. Mikra proporciono ne esas explikit e do esas la kontroverso-temo inter kredanti ye vizitanta exterterani e nekredanti, quale skeptiki e multa ciencisti.

La maxim multa NIFO-i pose semblas esar natur-aparajo od artificala lumo quale lampi.

"Fluganta diski" divenis temo en lektaji por yunuli pri spaconavi dum la 1920ma yari ed aparis en populara kulturo dum la 1950ma yari, kande la termino "neidentizita flugant objekto" erste aparis. L'asociado kun cienco fiktiv ankore duras, ma en ula landi multa homi kredas ke ca objekti vere esas spaconavi od armeal armi. Famoza filmi en qua neidentizita flugant objekti aparas, esas Milito di la Mondi, E.T. the Extra-Terrestrial, Predator, Roswell, Independence Day, Mars Attacks!, Men in Black ed Avatar.